Proverbi e detti siciliani, a cura di Giovanni Giardina
1) Cu si voli i vinu bbonu ‘mbriacàri,… chi mani sua si l’havi a fari .
2) Cu piecura si fisci , lupu sa manciò .
3) Cu ‘nta sciarra sparti, havi a megghiu parti .
4) Cu ti voli beni : ti fa chianciri, cu ti voli mali : ti fa ridiri .
5) Cu si uardò , si sarvò .
6) Cu sputa ‘ncielu, ‘nfaccia ritorna .
7) Cu veni appriessu, cunta i pidàti .
8) Cu voli u mali i l’autri , u sua l’havi viscinu .
9) Chistu lu dicu a ttia sciuri di viti , pirdìu u cuntu di quantu amanti ‘aviti !
10) Di chiddu chi vidi, pua cridiri sempri, di chiddu chi sienti, ‘un cridiri a nenti .
11) Ci voli a tagghia, ci voli a misura , ma poi è a fimmina a fari fiura .
12) Di lu mari nasci lu sali , di la fimmina lu mali .
13) Di juornu ti vogghiu, di sira ti squagghiu .
14) Pi S. Antoniu gran friddura, pi S. Lorenzu, gran calura, di l’unu e l’autru, pocu dura.
15) Ci dissi lu priori alla badissa, senza sordi nun si canta missa .
16) Un pilu di na fimmina tira cchiù di na parigghia e voi .
17) Chistu lu dicu a tti sciuri di ruta, nu svinturatu o munnu Diu l’aiuta .
18) Addiu Lipari mia , scuogghiu felici, lassami ritirari ‘nta la paci .
SONETTO
Si muoru u lassu scrittu ‘nta balata
‘mpiettu ti lassu viva na ferita
sulu cu na calata e na susuta
ti tiru cumu petra calamita.
