Una rosa per ogni Mamma volata via

Per la Festa della Mamma Giovanni Giardina interpreta una poesia di Nino Martoglio

Mamma, mammuzza, si ‘n avissi a tia,

jù ‘ntra ‘stu munnu, mi sintissi persu;

ti vogghiu beni cchiù di l’Universu,

cchiù di la vista e cchiù di l’arma mia.

 

Si lu me’ sensu ancòra non s’ha persu,

lu vidi mamma, pirchi iò pensu a tia:

a tia ca si’ la megghiu puisia;

e di la puisia lu megghiu versu!”

 

Oggi ricurri ancòra la to’ festa

e jù , chi non mi scordu la jurnàta,

t’offro l’umili miu solitu cantu.

 

Tu dùnami la solita vasàta,

e po’ fammi durmìri cu la testa

supra lu pettu to’ amurusu e santu !