Proverbi e detti siciliani. A cura di Giovanni Giardina
1) O bellu o bruttu tempu ‘un dura sempri un tempu .
2) Campa cavaddu ca l’erva crisci.
3) Cancia u maestru, ma a musica è sempri a stissa .
4) Carni fa carni, pani fa panza, vinu fa danza .
5) Casa ‘nvidiata, si nun è povira è malata.
6) Accatta caru e scordati, accatta mircatu e pensaci.
7) Chianciri o muortu su lacrimi piersi.
8) Ci dissi u voi o mulu, simu nati pi dari u culu.
9) Ci dissi u patruni a so criata, si cca ‘un ti trovi bona , cancia strata.
10) Ci voli sorti puru o cacari, ti ponnu giriari i vudedda e moriri.
11) Pi teniri a fiamma, ci vonnu zzucca duri , pirchì si è fuocu di pagghia pocu dura.
12) Quantu si bedda tu ,scorcia di uovu, ma miegghiu lu d’intra ca sustanza truovu
13) Cu nun è abituatu a controllari l’ura, poi havi a curriri cu primura.
14) Cu cancia a vecchia pa nova, tintu lassa e peju trova.
15) Cu certi genti nun si pò nè vinciri e né appattari.
16) Sugnu stancu i sentiri a stissa tiritera.
17) ‘Nto munnu , a povira genti , nun ha cuntatu mai nenti .
18) Tri sunnu i cuosi c’ha teniri a cori, u rispiettu, a dignità e l’onori.
SONETTO
Diccillu a bedda mia c’havi pascienza
ca longa nun sarà sta luntananza
a morti sulu è signu i spartenza
ca mentri simu vivi c’è spiranza
