di Giovanni Giardina
Ormai l’anzianu ‘un’è cunsidiràtu,
‘un’è cchiù degnu d’essiri ascutàtu
finù quannu u piru, dava i so frutti,
ora c’on servi cchiù…cu si nni futti !
Si senti sulu, cu è con’ebbi figghi,
cumu na porta, priva di manigghi
chiddu ca invesci fu,cchiù furtunàtu
malidisci puru u juornu quannu è natu.
Oggi i figghi ,’un’hannu cchiù cuscenza,
‘un sannu cchiù chi è a riconoscenza,
si sentunu ranni, pirchì missiru i pinni,
m’ancòra a quarant’anni, vonnu i minni !
Pi curpa di tutti chisti marchingegni,
si fisciru sucàri tutti i meningi.
pi l’arti di na vota provanu sdegnu
ormai, ‘un su cchiù fonti i uadàgnu!
U munnu ormai è tuttu computerizzàtu,
u viecchiu si senti cumu on disgraziàtu,
ora c’avìa bisognu cchiù d’attenzioni
è sulu tinùtu p’amuri da pinsioni !
Navigàti giuvintù, curriti forti !
Curriti senza meta e senza sorti !
Ora vi fisciru tutti st’artifisci
e da buttana d’iddi e cu li fisci.
Processi, cunnanni, politica,informazioni,notizie, elezioni,
Si fannu tutti : pi televisioni,
Programmi,dibattiti,,denunci,reclami,condoglianze,
pagamenti, baci,abbracci , auguri, prenotazioni,
Si fannu tutti pi via di st’invenzioni:
( Skype, facebook, email,google, you tube, )
E u viecchiu c’avi a fari, si pò ammazzàri ?
O puru, a st’eta’, si pò mettiri a studiàri ?
Sicunnu mi, u sangu pò ghittàri,!
S’ancora cacchi annu voli campàri !.
Ma cumu , ‘un l’hannu dittu sempri i viecchi:?
“Ca a veccchia avìa cent’anni e ancora ‘mparàva ? ”
Si ! :ma è puru veru , ca senza sti marchingegni, cchiossà campàva!
U vecchiu perdi l’anni, ma no u guidiziu !
Quannu si senti i dari : Na vasàta,,na carizza, n’abbrazzàta,
na strinciùta i manu, na timpulàta o na sputazzàta ‘nfaccia,
Vu dicu ‘ncunfidenza: Ca prova cchiù piasciri, quannu u fà i prisenza !
